శేఖర్ కమ్ముల దర్శకత్వంలో నాగార్జున, ధనుష్ జంటగా ఓ మల్టీస్టారర్ తెరకెక్కుతున్న సంగతి తెలిసిందే. ఈ సినిమా షూటింగ్ ఇటీవల తిరుపతిలో ప్రారంభమైంది.
తిరుపతిలో మొదటి షెడ్యూల్‌ని పూర్తి చేసిన మేకర్స్ ఇప్పుడు గోవాలో కొత్త షెడ్యూల్‌ని షూట్ చేస్తున్నారు. ఓ విల్లాలో ధనుష్, నాగార్జునలపై కీలక సన్నివేశాన్ని చిత్రీకరిస్తున్నారు. ఆన్ లొకేషన్ పిక్ ఇప్పుడు సోషల్ మీడియాలో హల్ చల్ చేస్తోంది.
ఈ చిత్రంలో రష్మిక మందన్న కథానాయికగా నటిస్తోంది. సునీల్ నారంగ్, పుస్కూర్ రామ్ మోహన్ రావు నిర్మిస్తున్న ఈ చిత్రానికి దేవి శ్రీ ప్రసాద్ సంగీతం అందిస్తున్నారు.