ఆంధ్రప్రదేశ్ ముఖ్యమంత్రిగా నేడు టీడీపీ అధినేత నారా చంద్రబాబు ప్రమాణ స్వీకారం చేశారు. రాష్ట్ర విభజన తరువాత, సీబీఎన్ రెండోసారి రాష్ట్ర ముఖ్యమంత్రిగా బాధ్యతలు స్వీకరించారు. ఈ ప్రమాణ స్వీకారోత్సవానికి రాష్ట్ర అతిథిగా మెగా స్టార్ చిరంజీవి హాజరయ్యారు.
భార్య సురేఖా, కుమారుడు రామ్ చరణ్ తో కలిసి ఈ కార్యక్రమానికి హాజరై మరింత ప్రత్యేకతను చాటుకున్నారు. మెగాస్టార్ హాజరు సెంటర్ అఫ్ అట్రాక్షన్‌గా మారింది, ప్రమాణ స్వీకారం అనంతరం మెగా కుటుంబం ముఖ్యమంత్రి నారా చంద్రబాబు నాయుడుతో కలిసి పోజులిచ్చి శుభాకాంక్షలు తెలిపారు.
సీబీఎన్ మరియు మెగా ఫ్యామిలీతో పాటు, బీజేపీ ఎంపీ సీఎం రమేష్, కేంద్ర మంత్రి రామ్మోహన్ నాయుడులు కూడా ఈ ఫోటోలో కనిపించారు. తన సోదరుడు, జనసేన అధినేత పవన్ కల్యాణ్ ఆంధ్రప్రదేశ్ డిప్యూటీ సీఎంగా ప్రమాణ స్వీకారం చేశారు.